Փորձագետների տվյալներով՝ չնայած Եվրոպայում բարելավված բնապահպանական վիճակին, մթնոլորտային աղտոտումը նախկինի պես ակտիվորեն կործանում է մարդկանց առողջությունը։
Մթնոլորտային աղտոտումներն անվանվել են ամեն տարի մոտ կես մլն եվրոպացիների վաղաժամ մահվան առաջնային պատճառ։ Նման տվյալներ է ներկայացնում Phys.org պորտալը՝ հղում անելով Շրջակա միջավայրի եվրոպական գործակալությանը (EEA)։
Համաձայն հետազոտության՝ բնապահպանական վիճակը Եվրոպայի երկրներում աստիճանաբար բարելավվում է, այդ թվում նվազում է մթնոլորտի աղտոտվածության մակարդակը։ Սակայն, գիտնականների տվյալներով, օդում գտնվող մասնիկները նախկինի պես հայտնվում են մարդկանց թոքերում, իսկ որոշները նույնիսկ ներծծվում արյան մեջ։ Դա տանում է բազմազան հիվանդությունների՝ տարեկան վաղաժամ խլելով առնվազն 428 հազար մարդու կյանք։
EEA-ի զեկույցում ասվում է, որ նման ուլտրադիսպերսային մասնիկների ազդեցությանը ենթարկված է Եվրոպայի քաղաքային բնակչության մոտ 82 տոկոսը։ Օդի աղտոտվածության պատճառով առողջության վատացման երկրորդ պատճառ է անվանվել ազոտի երկօքսիդի և վերգետնյա օզոնի բարձր խտությունը։