Ռուսական էստրադային երգիչ Նիկոլայ Բասկովը պատմել է, թե ինչ է խմել, որպեսզի ունենա երիտասարդ տեսք։ Նա հայտարարել է, որ չի սահմանափակվում անձնական մարզիչ, դիետոլոգ ու մերսող պահելով, և այդ ամենին զուգահեռ օգտվում է երկրում առկա գիտական նվաճումներից։ Հայտնում է Medik Forum-ը։
«Ես խմում էի պեպտիդներ, որոնց մշակել են մեզ մոտ՝ Սանկտ Պետերբուրգի մաշկաբանական կլինիկայում։ Պատժամիջոցների շնորհիվ մենք առաջ ենք շարժվում գիտական ոլորտում։
Այնպես որ ես ընդունեցի վիտամինների, ամինաթթուների ու պեպտիդների լուծույթ, օգտագործեցի այդ բազայի հիման վրա ստեղծված քսուք։ Ես անգամ որոշեցի թողարկել այդ բաղադրատարրերից բաղկացած իմ հավաքածուն», – հայտարարել է երգիչը։
Բասկովը ներկայումս 40 տարեկան է։ Վերջին շրջանում նա խիստ նիհարել է և իսկապես ունի ավելի երիտասարդ տեսք։ Նա ինքն ընդգծում է, որ իրեն զգում է մի քանի տարով ավելի երիտասարդ։
Ոչ վաղ անցյալում Նիկոլայը հայտարարեց, որ դադարեցնում է իր համերգային գործունեությունը, ինչն ապշեցրեց նրա երկրպագուներին։ Բասկովը հայտարարել է, որ ունի ներքին վերաբեռնման կարիք, քանի որ 17 տարի աշխատել է որպես «մարդ-տոն» և հոգնել է դրանից։