ՌԴ-ի աջակցությամբ ազգային ավիափոխադրող ունենալու տրամաբանությունը չեմ հասկանում, առանց այն էլ 10 տարուց ավելի է՝ մեր ամբողջ շուկան տրված է ռուսներին: Այս մասին «Առաջին լրատվական»-ի հետ զրույցում ասաց ՀՀ Քաղավիացիայի նախկին պետ Շահեն Պետրոսյանը՝ հավելելով, որ չի կարծում, թե դա չկայացող նախագիծ է:
«Ավելի ճիշտ կլիներ, որ սեփական ավիաընկերությունը ստեղծվեր, դրա առաջարկությունը բազմիցս արել եմ, 10 տարուց ավելի այս թեմայով խոսում եմ, բայց լսող չկա: Ամեն ինչ տրված է՝ անվտանգությունը տրված է, բանակը, պաշտպանությունը արդեն ամբողջովին տրվեց, թող միանգամից միասնական պետություն ստեղծեն՝ պրծնեն, ինչպես ժամանակին Բելառուս, Ռուսաստանն էր ստեղծվում: Էլ ի՞նչ անկախության մասին կարող է խոսք գնալ»,- շեշտեց Շահեն Պետրոսյանը:
Նրա դիտարկմամբ՝ ՌԴ-ն այս քայլով փորձ է անում երկրորդ խնդիրը լուծել՝ «Սուխոյ Սուպերջեթ» ինքնաթիռները մեզ վրա «սաղացնել»:
«Մենք նման դեպքում փորձադաշտ ենք, դուք գիտեք, որ աշխարհում ոչ ոք էդ «Սուպերջեթ»-երը այդպես էլ չգնեց, գնողները վերադարձրին: Կա աշխարհում կայացած հիմնական երկու ընկերություն՝ Boing, Erbas, ինչի՞ պետք է գնենք «Սուպերջեթ»-երը: Էդ նույն բանն է, ինչ «Մոսկվիչ», «Զապոռոժեց» կամ «Վոլգա» քշենք»,- ընդգծեց նա:
Մանրամասները՝ տեսանյութում: