Իրաքյան Քրդստանում անկացված անկախության հանրաքվեից ընդամենը օրեր անց Կատալոնիայում կայացած անկախության հանրաքվեն և հատկապես նման դաժան պայքարը անկախության համար ի՞նչ գործընթացների արտացոլում է: Սա կարո՞ղ է դառնալ գլոբալ միտում, փոխել ընդհանուր մթնոլորտը, միջազգային վերաբերմունքը ժողովուրդների ինքնորոշման իրավունքի իրացման առումով:
Պատասխանելով «Առաջին լրատվական»-ի հարցին՝ ամերիկացի վերլուծաբան, նախկին ԽՍՀՄ տարածաշրջանի հարցերի փորձագետ Փոլ Գոբլն ասել է, որ իհարկե կա ակնհայտ միտում, երբ ավելի շատ խմբեր են ձգտում անկախության ժողովուրդների ինքնորոշման իրավունքի հիման վրա, բայց միջազգային հանրությունը շարունակում է ընդդիմանալ նման ջանքերին:
«Որոշ դեպքերում միջազգային հանրությունը կպատճառաբանի, թե դա կարող է հանգեցնել անկայունության, իսկ երբեմն էլ կառաջարկի հասնել ինքնորոշման՝ առանց սահմանները փոխելու: Եվ նա միշտ կմատնանշի ինչ-որ մասնավոր առանձնահատկություններ, որպեսզի շրջանցի այն փաստը, որ չի գործում իր իսկ կողմից հռչակված սկզբունքներից մեկին համապատասխան»,- նշել է Փոլ Գոբլը: