Բելառուսի պաշտպանության նախարար Անդրեյ Ռավկովի հրավերով Ադրբեջանի պաշտպանության նախարար Զաքիր Հասանովը հոկտեմբերի 8-ին այցով Մինսկ կմեկնի: Այս մասին հայտնում է Ադրբեջանի ՊՆ պաշտոնական կայքը:
Նշվում է, որ պաշտոնական այցի շրջանակներում նախատեսված է հանդիպում Բելառուսի ռազմաքաղաքական ղեկավարության և այլ պետական կառույցների ղեկավարների հետ, նաև այց ռազմաարդյունաբերական ձեռնարկություններ:
Հանդիպումների ընթացքում կքննարկվեն երկկողմ համագործակցության զարգացման և ընդլայնման հեռանկարները ռազմական, ռազմատեխնիկական, ռազմական կրթության ոլորտներում, նաև անվտանգության և փոխադարձ հետաքրքրություն ներկայացնող այլ հարցեր: