Արևային էլեկտրակայանների զարգացման տեմպն անցած տարի առաջին անգամ գերազանցել է ածխային էներգետիկայի զարգացման ցուցանիշները։ Այս մասին ասվում է միջազգային էներգետիկ գործակալության (IEA) փորձագետների զեկույցում։
IEA-ի հաշվետվության համաձայն՝ 2016 թվականին արևային էլեկտրակայանների հզորությունների աճը կազմել է 50 տոկոս՝ հասնելով 74 գիգավատտի։ Ածխային էներգետիկայի աճի տեմպերը կազմել է 54 գիգավատտ։ Ընդհանուր առմամբ մեկ տարում էներգիայի վերականգնվող աղբյուրներին բաժին է ընկել հզորությունների մոտ 2/3-ը։
Հզորությունների ամենազգալի աճը գրանցվել է Չինաստանում։ Համաձայն IEA-ի կանխատեսման՝ 2022 թվականին Չինաստանը, ԱՄՆ-ը և Հնդկաստանը կդառնան այլընտրանքային էներգետիկայի զարգացման տեմպերով համաշխարհային առաջնորդներ։
ԵՄ-ում արևային էներգետիկայի զարգացման տեմպի ցուցանիշները, հակառակը, ընկել են 40 տոկոսով։ Ինչպես ակնկալում է գործակալությունը՝ 2022 թվականին էներգիայի վերականգնվող աղբյուրների մասնաբաժինը կհասնի 30 տոկոսի՝ 2016 թվականի 24 տոկոսի դիմաց։
