«Ելք» խմբակցության ղեկավար Նիկոլ Փաշինյանը Ազգային ժողովին տեղեկացրեց, որ ՀՀԿ խմբակցության պատգամավոր Արտաշես Գեղամյանը խուլիգանի նման բռունցքներով հարձակվել է իր վրա:
Փաշինյանը հետաքրքիր է համարում այն, որ նա հիմա մամուլին հերքում է. «Ես ուզում եմ ասել, որ եղել են վկաներ՝ և՛ ԱԺ պատգամավոր, և՛ լրագրող, և՛ Անվտանգության ծառայության աշխատակիցներ»:
Նիկոլ Փաշինյանը Հանրապետական խմբակցությունից պարզաբանում է պահանջում տեղի ունեցածի կապակցությամբ, թե «էս խուլիգանական արարքը ինչ կապ ունի Հանրապետական խմբակցության ղեկավար Վահրամ Բաղդասարյանի ոչ հեռավոր անցյալում արտահայտած այն մտքի հետ, թե «ձեր պադյեզդները զգույշ մտեք, կարող ա ինչ-որ բաներ տեղի ունենան»»:
«Ելք» խմբակցության ղեկավարը սա շատ լուրջ հարց է համարում և հայտարարում է. «Մենք մտադիր ենք հետամուտ լինել և հետևություններ անել մեր՝ այստեղ աշխատելու հետագա ոճի վերաբերյալ»:
Մանրամասները՝ տեսանյութում: