Հայաստանի դեղագործության մրցունակության միջազգային երրորդ համաժողովի շրջանակներում ԱԺ առողջապահության մշտական հանձնաժողովի նախագահ Արա Բաբլոյանը նշեց, որ կան դեղագործական ոլորտի մի շարք խնդիրներ, ինչպիսիք են մի շարք ստանդարտների ընդունման անհրաժեշտություն, պատշաճ կլինիկական, դեղատնային եւ արտադրական գործունեության հաստատումը, որոնք պետք է կարգավորվեն օրենսդրական դաշտում։
Բաբլոյանը տեղեկացրեց, որ շուտով ԱԺ առողջապահության, մայրության եւ մանկության մշտական հանձնաժողովում կմեկնարկեն «Դեղերի մասին» ՀՀ նոր օրենքի քննարկումները։
Առողջապահության փոխնախարար պարոն Ղուկասյանն էլ նշեց, որ կրճատվել են դեղերի գրանցման եւ ներմուծման հաավաստագրի տրման ժամկետները, ինչն էլ ապահովում է դեղերի ֆիզիկական մատչելիությունը։ Ղուկասյանի տեղեկցմամբ, մշակվել եւ շրջանառության մեջ է դրվել «Դեղերի եւ կենսաակտիվ սննդային հավելումների մասին» ՀՀ օրենքի նախագիծը, որը պետք է կարգավորի բնակչությանը անվտանգ, որակյալ եւ արդյունավետ դեղերի ապահովման գործընթացը։ Ղուկասյանի խոսքերով, դեղերի տնտեսական մատչելիությունը ապահովելու համար «Դեղերի մասին» ՀՀ օրենքում լրացումներ կատարելու աասին օրենքի նախագիծը. «Նախագիծը ընդունվելուց հետո կառավարությունը հիմնական դեղերի ցանկում ներառված դեղերի գների պետական կարգավորում կիրականացնի, որը կսահմանի դեղարտադրողների շահույթների առավելագույն չափը, ինչպես նաեւ դեղերի մանրածախ եւ մեծածախ վաճառքի համար առավելագույն թույլատրելի վերադիր տոկոսների սահմանում»։
