«Գազպրոմի» ղեկավար Ալեքսեյ Միլլերը գերմանական Suddeutsche Zeitung թերթին տված հարցազրույցում ասել է, որ եթե Եվրոպային դուր չեն գալիս ռուսական գազի գները, ապա «Գազպրոմն» այն կառաքի Ասիա: Միլլերի խոսքերով, իր կողմից գլխավորվող ընկերությունը քննարկում է գերմանական E.ON-ից «Գազպրոմում» ունեցած մասնաբաժինը գնելու հարցը: Նա նշել է, որ «Գազպրոմն» ուշադիր հետևում է E.ON-ի այն հայտարարություններին, որոնք վերաբերում են միլիարդավոր դոլարների հասնող մասնաբաժինը վաճառելուն:
Suddeutsche Zeitung-ը նշում է, որ աշխարհի վառելիքի առաքումների 6-րդ մասը վերահսկող ռուսաստանյան կոնցեռնը հնարավորություն ունի մի քանի րոպեի ընթացքում փակել են Եվրոպա գազ և նավթ մատակարարող գազամուղները:
Այս պահին Գերմանիայի գազի պահանջարկի մոտ 40%-ը բավարարվում է ռուսաստանյան գազի հաշվին: Ընդ որում, միջուկային էներգիայից հրաժարվելու դեպքում Ռուսաստանից կախվածությունը կաճի:
