«Այո, մենք Սերժ Սարգսյանի կողմնակիցներն ենք ու ուզում ենք, որ 2018 -ից հետո էլ նորից շարունակի ղեկավարել»: Այդ մասին «Առաջին լրատվական»-ի հետ զրույցում ասաց ԱԺ ՀՀԿ խմբակցության պատգամավոր, Արագածոտնի նախկին մարզպետ Սարգիս Սահակյանի եղբայրը՝ Նաիրի Սահակյանը, անդրադառնալով իր նախկին հայտարարությանը, թե ուզում է, որ Սերժ Սարգսյանը հավերժ լինի թագավոր, ցմահ մնա երկրի տեր-տիրական, որովհետեւ շատ վստահելի մարդ է:
Անդրադառնալով առաջիկա ՏԻՄ ընտրություններին, մասնավորապես նաև Ապարանում սպասվող ընտրություններին, և հարցին՝ արդյո՞ք «Գնթունիք» սուպերմարկետի տիրոջը երկու եղբայր համոզեցին՝ թեկնածությունը դնել, Սարգիս Սահակյանն ասաց.
«Դնողը ես չեմ, դնողը կուսակցությունն է, եթե կուսակցությունը պաշտպանելու է, մենք անպայման պաշտպանելու ենք: Խոշորացման ընթացքում Արագածոտնի մարզում կան թեկնածուներ Ապարանի, Ծաղկահովիտի երկու տարածքում և Թալինի Արտենի-Արագած տարածքում մենք Հանրապետական թեկնածուներին և՛ կուսակցությունով, և՛ եղբայրներով սատարելու ենք:
Մանրամասները՝ տեսանյութում: