LG ընկերությունը թողարկել է արտասովոր սմարթֆոն՝ K7i-ը, որը կարող է վանել մոծակներին։ Սարքն այդ առաքելությունն իրագործում է ուլտրաձայնի օգնությամբ։ Արտադրողը հայտարարում է, որ սմարթֆոնի կողմից ճառագայթվող ուլտրաձայնային ալիքերը մարդու ականջը չի կարողանում տարբերակել, սակայն միջատների համար դրանք չափազանց տհաճ են։ Այս մասին հայտնում է Mashable պորտալը։
Նորույթը հանդերձված է 5 դյույմանոց, 854×480 կետ խտությամբ դիսփլեյով, քառամիջուկ MT6580M պրոցեսորով,1 գբ օպերատիվ և 8 գբ ներկառուցված հիշողությամբ։ Տեսախցիկը 8 մեգապիքսելանոց է։
K7i-ի արժեքը 120 դոլար է։ Սարքը դեռևս մտադիր են վաճառել Հնդկաստանում։