Արարատի մարզում, այսօր՝ սեպտեմբերի 28-ին, խոշոր ավտովթար է տեղի ունեցել. ժամը 07։30-ի սահմաններում Արտաշատ քաղաքի բնակիչ 21-ամյա Արտյոմ Զ.-ն Երևան-Երասխ ավտոճանապարհի 3-րդ կմ հատվածում իր վարած Mercedes մակնիշի 300 ՕՕ 09 համարանիշի ավտոմեքենայով դեպի Արտաշատ ընթանալիս դուրս է եկել ճանապարհի երթևեկելի գոտուց, բախվել բետոնե սյանը, մի քանի պտույտ գլխիվայր շրջվելով՝ հայտնվել է դաշտում։
Shamshyan.com-ի փոխանցմամբ, շրջվելու ընթացքում կոտրվել են մի քանի ծառեր, իսկ վարորդը մարմնական վնասվածքներով տեղափոխվել է Մասիսի բժշկական կենտրոն, որտեղից էլ՝ «Էրեբունի» բժշկական կենտրոն։
Հետաքննիչի հանձնարարականով ավտոմեքենան քարշակով տեղափոխվել է Ոստիկանության Մասիսի բաժնի պահպանվող հատուկ տարածք։