«Անկեղծ ասած, ինձ համար անակնկալ էր, ես լրագրողներից եմ իմացել այդ ցուցակի մասին»,- «Առաջին լրատվական»-ի հետ զրույցում անդրադառնալով Ժիրայր Սեֆիլյանի հրապարակած ցուցակին՝ ասաց «Իրազեկ քաղաքացիների միավորում» ՀԿ ծրագրերի համակարգող Դանիել Իոննիսյանը։
Իոննիսյանը շարունակում է. «Կոնկրետ մեր կազմակերպության ռազմավարական նպատակը, տեսլականը ընդհանուր առմամբ ուղղված է նրան, որ Հայաստանի հասարակությունը կարողանա օբյեկտիվ ինորմացիայի հիման վրա որոշում կայացնել ու դա պարտադրել իշխանություններին։ Որպես կազմակերպության ծրագրերի ղեկավար՝ ես դրանով եմ զբաղված»։
Մեր զրուցակիցն ասաց նաև, որ ինքն անձամբ 2013 թվականից ի վեր որևիցե քաղաքական խմբի անդամ չի եղել. «Մինչ այդ «Ժառանգություն» կուսակցության անդամ էի, բայց այս պահին նման պլաններ չունեմ։ Պետք է ասեմ՝ Ժիրայր Սեֆիլյանի հետ վերջին անգամ 2013 թվականին եմ քննարկում ունեցել, ինչ-որ առումով պատիվ է ինձ համար, որովհետև բավականին հեղինակավոր մարդկանց ցուցակ է։ Ամեն դեպքում սա ինձ համար անակնկալ էր, ես զերծ կմնամ, սակայն, այդ հոսանքին միանալուց»։
Հարցազրույցն ամբողջությամբ՝ տեսանյութում: