«Մեր դպրոցի բակը չունի ոչ մի հարմարություն երեխաների համար: Անգամ տարրական դասարանի երեխաները դասամիջոցների ժամանակ չունեն բնական կարիքները հոգալու տեղ»,- «Առաջին լրատվական»-ի հետ զրույցում ասաց Աշտարակի Վարդգես Պետրոսյանի անվան հիմնական դպրոցի աշակերտներից մեկի ծնողը: Հիշեցնենք. դպրոցում անժամկետ դասադուլ է սկսվել, որը կտևի այնքան ժամանակ՝ մինչև չլուծվեն իրենց բարձրացրած հարցերը:
«Մեր երեխաները չգիտեն՝ ինչ ասել է ֆիզկուլտուրայի դահլիճ՝ ֆիզկուլտուրա են անում ձորի պռնկին, ինչը շատ վտանգավոր է: Ամբողջ հանրապետությունում եթե ման գաք, երևի էսպիսի դպրոց չգտնեք»,- ասաց մեր զրուցակիցը:
Ծնողների խոսքով՝ տարածքը ահավոր նեղ է, 20 հոգանոց դասարանում նստում է 38 աշակերտ. «Մեր պահանջն է, որպեսզի դպրոցը բեռնաթափվի: Այս հարցը կարելի էր լուծել մեկ ժամում, ու քանի որ հարցը չի լուծվել, մենք դիմում ենք ծայրահեղ միջոցի»:
Մանրամասները՝ տեսանյութում: