Իտալիայում և Գերմանիայում ոստիկանությունը ձերբակալել է Վրաստանից 28 հանցագործի, ովքեր զբաղվել են բնակարանային գողություններով։
Իտալացի և գերմանացի ոստիկանների տվյալներով՝ ձերբակալվել են կազմակերպված հանցավոր խմբավորման անդամներ, ովքեր վերջին 2 տարում Հունաստանի և Իտալիայի տարբեր քաղաքներում թալանել են 85 բնակարան։ Իրենց «ավարը» նրանք ուղարկել են Վրաստան։
Վրաստանի արտգործնախարար Միխայիլ Ջանելիձեն, ով երեկ մասնակցել էր խորհրդարանական լսումների, հայտարարել է, որ կառավարությունը ձեռնարկում է գործունակ քայլեր՝ ուղղված վրացի հանցագործների ի հայտ բերման համար տարբեր եվրոպական երկրների իրավապահ մարմիների հետ համագործակցությանը։
«Մենք լուրջ առաջընթաց ունենք այդ ուղղությամբ, հատկապես վերջին տարում, երբ տարբեր եվրոպական մայրաքաղաքների վրացական դեսպանատներում սկսել են աշխատել մեր ոստիկանական կցորդները»,-ասել է նախարարը։
