ԱՄՆ նախագահի դուստր Իվանկա Թրամփն աշխատանքային նպատակներով անձնական էլեկտրոնային փոստարկղ է կիրառել՝ Սպիտակ տան գործընկերոջ հետ նամակագրություն իրականացնելիս։
«Իվանկա Թրամփն անձնական էլեկտրոնային հասցե է օգտագործել կարևոր կառավարական աշխատանք իրականացնելու համար դեռևս 2017 թվականի մարտին»,-ասվում է American Oversight իրավապաշտպան կազմակերպության հաղորդագրությունում, որը դատարանով ստացել է Իվանկայի էլեկտրոնային նամակների պատճենը՝ տեղեկատվության ազատության մասին օրենքով։
Իվանկան Փոքր բիզնեսի հարցերով վարչության ղեկավար Լինդա Մակմաոնի հետ քննարկել է թեմաներ, որոնց պատրաստվել են անդրադարձ անել W20 գագաթնաժողովի շրջանակում։
Երեկ տեղեկություններ էին տարածվել այն մասին, որ անձնական փոստից օգտվել է նաև Թրամփի փեսա և ավագ խորհրդական Ջարեդ Քուշները։ Քուշների փաստաբանն ասել էր, որ իր պաշտպանյալն ուղարկել է մասնավոր փոստից ավելի քան 100 նամակ և հիմնականում պատասխանել, այլ ոչ թե երկխոսություն նախաձեռնել։
