36-ամյա դերասանուհի Մեգան Մարքլի և 33-ամյա արքայազն Հարիի հարաբերությունները զարգանում են նոր թափով։ Բրիտանացի թագուհի Եղիսաբեթ Երկրորդի թոռը Մարքլին ծանոթացրել է իր տատի հետ։ Թագավորական ընտանիքի շրջապատի ներկայացուցիչները հայտնում են, որ նա արդեն առաջարկություն է արել Մեգանին, այդ իսկ պատճառով շուտով զույգը կհայտարարի նշանադրության մասին։
Մարքլի նախկին ամուսինը՝ 40-ամյա պրոդյուսեր Տրեվոր Էնգելսոնը, ում հետ նա համատեղ ապրել է 3 տարի, անգործ չի մնում։ Նա սկսել է աշխատանքը կատակերգական հեռուստաֆիլմի վրա՝ Մեգանի նոր սիրային պատմության մոտիվներով։
Արևմտյան ԶԼՄ-ների հաղորդմամբ՝ հեռուստաշոուի սցենարն արդեն պատրաստ է, այդ իսկ պատճառով շուտով կսկսվեն նկարահանումները։
