Անկախ վերլուծաբան Էդգար Վարդանյանի կարծիքով՝ այս պահին դժվար է ասել՝ արդյոք ՀՀԿ-ում գիտե՞ն, թե ով է լինելու Հայաստանի վարչապետը 2018 թվականի ապրիլին։ Ըստ վերլուծաբանի՝ հստակ չէ այդ մասով ՝ Սարգսյանն արդեն ունի՞ որոշում, թե՞ ոչ:
«Եկեք մի քիչ հետ գնանք. երբ սահմանադրական բարեփոխումների հայեցակարգն առաջ քաշվեց, ՀՀԿ-ն ասում էր՝ ուզում ենք բարեփոխել համակարգը, գործընթացը կապ չունի վերարտադրության հետ։ Այդ դիսկուրսի շրջանակներում Սարգսյանը մեկ անգամ հստակ հայտարարեց, որ Սահմանադրության փոփոխության դեպքում չի հավակնելու վարչապետի պաշտոնին։ Ասաց, որ համոզված է՝ երկրի ղեկավարի պաշտոնում մեկ մարդը երկու անգամից ավելի չպետք է լինի։ Հիմա, երբ այդ հարցը տալիս են իշխանություններին, ի՞նչն է խանգարում ասելու՝ այդ ի՞նչ հարց եք տալիս, չէ՞ որ Սարգսյանը հստակ ասել է, որ չի հավակնում դրան. ինչո՞ւ այդ մասին չի ասվում»,- ընդգծեց Վարդանյանը։
Վերլուծաբանն ասում է՝ Սարգսյանը գուցե մտածում է, որ ռիսկային կլինի կորցնել պաշտոնը, կամ էլ մտածել են, բայց որոշակի ապահովության համար չեն հայտարարում. «Գուցե արդեն որոշել են, բայց չեն ասում, որովհետև ռիսկային է՝ գուցե հանրային դժգոհության նոր ալիք լինի։ Մտածում են՝ չխոսեն, ժամանակ շահեն, վերջիվերջո հանրությունը կհամակերպվի այն մտքի հետ, որ կրկին Սերժ Սարգսյանն է լինելու»։
Հարցազրույցն ամբողջությամբ՝ տեսանյութում: