Մի մարդու նման պետք է փողոց դուրս գալ, հեղափոխություն անել, այս իշխանություններից ձերբազատվել, ուրիշ ելք չկա: Այդ մասին «Առաջին լրատվական»-ի հետ զրույցում ասաց համաներմամբ վերջերս բանտից ազատ արձակված պահեստազորի գնդապետ Վոլոդյա Ավետիսյանը:
«Այսօր ես համոզված են, որ ազգի 99 տոկոսը չի ուզում, որ այս իշխանությունը լինի, ուղղակի իշխանությունը ժողովրդին խաբել է՝ ասելով, որ եթե այստեղ խժդժություն լինի՝ Ադրբեջանը կհարձակվի, խնդիրներ կունենանք, ամբողջը բլեֆ է, սուտ է, ուղղակի մի մասը հարմարվել է այդ մտքին: Մի կողմից էլ Հայաստանի իշխանությունները մարդկանց Հայաստանից վռնդում են, ամեն ինչ անում են, որպեսզի ժողովուրդը Հայաստանի տարածքից գնա, ուստի ես համարում եմ, որ այսօրվա իշխանությունները հայ չեն: Այսօր ասում են՝ քաղաքակիրթ ձևով հեղափոխություն անենք ընտրյալ ԱԺ-ում, բայց ըտենց բան չի կարող լինել, միակ ձևն այն է, որ ժողովուրդը դուրս գա փողոց: Ինչքան ժողովուրդ կա, մի միլիոն, թե ինչքան պիտի դուրս գան փողոց, որպեսզի առանց արյան հեղափոխություն լինի, այլապես մնացած պարագաներում արյուն թափվելու է, բռնապետների հետ գործ ունենք»,- շեշտեց նա:
Վոլոդյա Ավետիսյանի դիտարկմամբ՝ պետք է օր առաջ ձերբազատվել ՍերԺ Սարգսյանի՝ թալանող, սպանող համակարգից, իսկ ընդդիմադիրներն էլ պետք է ժողովրդին չկոտրեն, վճռական պահերին հետ չկանգնեն՝ իրենց անվտանգությունն ապահովել և մի կողմ քաշվել՝ սկսած Րաֆֆի Հովհաննիսյանից մինչև Լևոն Տեր-Պետրոսյան:
Ըստ նրա՝ պետք է ձևավորվի ժամանակավոր կառավարություն՝ իր «մաքուր» լիդերներով: Ըստ Ավետիսյանի՝ այդպիսի մարդկանց կարող ենք գտնել բերդերում նստած, չծախված անձանց, «Սասնա ծռեր»-ի շարքերում:
«Բոլորը պիտի համախմբվեն՝ Հայաստանն այս իշխանություններից փրկելու համար: Մեզ պետք է արդար, օրենքի, մարդասիրական պետություն: Հիմա եկել են Սփյուռքից, որ ինչ անեն, հարցեր բարձրացնեն՝ սա վատ է, սա վատ է, բայց այսօրվա իշխանությունները էդպիսին են, ինչ են ուզում այս իշխանություններին առաջարկեն: Շատ են գրում, որ այս իշխանություններն անգրագետ են, բայց այս իշխանությունները շատ էլ լավ խելացի են, պարզապես թալանչի են, հայ չեն: Հայը հայի համար ցավում է, բայց էս մարդիկ չեն ցավում մեր ժողովրդի համար»,- շեշտեց Վոլոդյա Ավետիսյանը:
Ըստ նրա՝ անհարժեշտ է նաև, որ համախմբվեն նաև ազատամարտիկները, ովքեր մի պարկ ալյուրով, մեկ շիշ ձեթով չեն ծախվում:
«Ավելի լավ է մեռնեն, քան ծախվեն, եղբա՛յր, մեր ազգին Սերժ Սարգսյանի համակարգը կոտորում է, կոնկրետ ցեղասպանություն են կատարում, հայերը լքում են իրենց տարածքը, զորամասերը փակվում են, բանակը թուլանում է, պետությունը թուլանում է, պատերազմ եղավ՝ պարծենում էին, թե 5 հազար հոգի գնաց, պիտի 50 հազար հոգի գնար»,-եզրափակեց Վոլոդյա Ավետիսյանը:
Մանրամասները՝ տեսանյութում: