Այսօր ՀՀ Ազգային ժողովում 70 կողմ, 6 դեմ և 1 ձեռնպահ ձայների հարաբերակցությամբ ամբողջությամբ ընդունվեց «Նվազագույն ամսական աշխատավարձի մասին» ՀՀ օրենքում լրացումների փաթեթը: Սակայն «Ժառանգություն» խմբակցությունը չքվեարկեց։ Պատգամավոր Արմեն Մարտիրոսյանն ասաց, որ կուսակցությունը քվեարկությանը չի մասնակցելու, քանի որ դեմ քվեարկելու դեպքում կներկայացվի, թե «Ժառանգությունը» դեմ է աշխատավարձերի բարձրացմանը. «Կառավարության ներկայացրած օրինագիծը ջայլամի քաղաքականության շարունակությունն է: Սա անթույլատրելի է, և մենք չենք քվեարկելու»,- հայտարարեց նա։