Կառավարությունը լրացումներ կատարեց նախկինում ընդունած որոշումներից մեկում, որոնց արդյունքում կապահովվի մարտական խնդիրներ կատարելիս փրկարարական ծառայողների ստացած վնասվածքի կամ խեղման կամ ծագած հիվանդության բուժումն արտերկրում: Որոշման նախագիծը ներկայացրեց ՀՀ արտակարգ իրավիճակների նախարար Դավիթ Տոնոյանը:
«ՀՀ տարածքում գործող բժշկական օգնություն և սպասարկում իրականացնող կազմակերպություններում բուժման (հետազոտության) անհնարինության դեպքում ծառայողի բուժումը կիրականացվի օտարերկրյա պետությունում` պետական միջոցների հաշվին, ՀՀ-ից դուրս ծառայողի բուժման, կեցության և ճանապարհածախսի գումարի հատկացմամբ»,- ասաց Տոնոյանը:
Նման կարգ գործում է նաև զինծառայողների պարագայում:
