ԱՄՆ նախագահ Դոնալդ Թրամփն իր ուկրաինացի գործընկեր Պյոտր Պորոշենկոյի հետ հանդիպման ժամանակ կողմ է արտահայտվել Դոնբասում ՄԱԿ ԱԽ մանդատով խաղաղարար ուժեր տեղակայելու Կիևի առաջարկին: Այս մասին հայտարարել է Ուկրաինայի նախագահը բանակցություններից հետո ճեպազրույցի ժամանակ, հայտնում է Reuters-ը:
«Կարևոր է, որ ԱՄՆ-ը լիովին աջակցեց Ուկրաինայի առաջարկները, իմ առաջարկները, որոնք հնչեցվել էին դեռևս 2015 թ.՝ Ուկրաինայի արևելքում, օկուպացված տարածքում ՄԱԿ ԱԽ մանդատով խաղաղարարներ տեղակայելու մասին»,- հայտարարել է Պորոշենկոն:
«Ես ընդգծում եմ ուկրաինական դիրքորոշումը, որը նախատեսում է մանդատ Ուկրաինայի արևելքում ամբողջ օկուպացված տարածքի համար, ներառյալ՝ ուկրաինա-ռուսական սահմանի չվերահսկվող հատվածը, ինչը կբացառի ռուսական զորքերի ներթափանցման հնարավորությունը և կծառայի խաղաղության գործին»,- ասել է նա:
Ուկրաինայի նախագահի խոսքով՝ Կիևը և Վաշինգտոնը պայմանավորվել են, որ երկու երկրների համատեղ նպատակներն են՝ «օկուպացիայից ազատումը, ինքնիշխանության վերականգնումը և… Ուկրաինայում խաղաղություն բերելը»: «Դա այն է, ինչ ես ուզում եմ որպես Ուկրաինայի նախագահ, և դա այն է, ինչում մեզ աջակցում են աշխարհի կենտրոնական պետությունները: Դա կարևոր է»,- եզրափակել է նա:
Նյութը հրապարակման պատրաստեց EnterTrain-ը
Տեղեկացրե՛ք Ձեր մտերիմներին