Լուրեր
Եկեք միակողմանի մոտեցումներից զերծ մնանք և միասնաբար աշխատենք հանուն անկախության ամրապնդման. Արամ Ա
  • 11:53
  • 2017-09-21
  • Դիտումներ՝ *

Մեծի Տանն Կիլիկիո Արամ Ա կաթողիկոսը կոչ է անում համայն հայությանը միասնաբար աշխատել հայրենիքի անկախության ամրապնդման համար: «Եռաբլուր»-ում լրագրողների հետ զրույցում Արամ Ա կաթողիկոսը նշեց, որ անկախությունը սրբազան արժեք է, յուրաքանչյուր հայի ձգտումն ու պարտավորությունն է:

«Մենք ունեցանք ազատ, անկախ Հայաստան, բոլորս՝ հայրենաբնակ հայությունը և Սփյուռքի, ուստի այնպես պետք է անենք, որ մեր հայրենիքի անկախությունն ավելի հզորանա, ամրապնդվի: Մեր եկեղեցու առաքելության հիմնական մասն է կազմում մեր հայրենիքի անկախությունը: Նայեք պատմությանը մինչև Սարդարապատ: Մեր եկեղեցին գնաց Սարդարապատ՝ կռվելու հանուն հավատի և հայրենիքի: Հետևաբար, եկեք մանրուքներից, երբեմն վատառողջ քննադատություններից, միակողմանի մոտեցումներից զերծ մնանք և բոլորս միասնաբար, տարբեր կերպ աշխատենք՝ հայրենիքի անկախության ամրապնդման համար»,-  ասաց Մեծի Տանն Կիլիկիո կաթողիկոսը:

  • Դիտումներ՝ *