Ռուսաստանին առնչվող հետաքննությունների ամերիկյան կոմիտեի թվիթերյան էջում հայտնվել է հոլովակ՝ հոլիվուդյան դերասան Մորգան Ֆրիմանի մասնակցությամբ, ով պահանջել է ԱՄՆ նախագահ Դոնալդ Թրամփից բացատրել 2016-ի ԱՄՆ նախագահական ընտրություններում Ռուսաստանի միջամտությունը։
«Շատ սերունդներ պայքարել են՝ պաշտպանելով ժողովրդավարությունը։ Հիմա մեր հերթն է։ Տեսե՛ք, թե ինչպես է Մորգան Ֆրիմանը բացատրում ԱՄՆ-ի պառակտման ռուսական սցենարը»,-ասվում է տեսանյութի մեկնաբանությունում։
Հոլովակում Ֆրիմանը հայտնում է, որ ԱՄՆ-ը ենթարկվել է հարձակման, իսկ ամերիկացիները գտնվում են «պատերազմում»։
Ֆրիմանը նշում է, որ «Պետանվտանգության կոմիտեի նախկին լրտեսը կիբերզենքի և ԶԼՄ-ների օգնությամբ հարձակվում է ողջ մոլորակի ժողովրդավար երկրների վրա»։
Դերասանի կարծիքով՝ Թրամփը պետք է ամերիկացիներին հայտնի ճշմարտությունն ու օգտվի բոլոր առկա ռեսուրսներից՝ ԱՄՆ ընտրություններում ռուսական միջամտության հետաքննման նպատակով։
Կրեմլում լուրջ չեն վերաբերվել Ֆրիմանի մասնակցությամբ հոլովակին։ ՌԴ նախագահի մամլո քարտուղար Դմիտրի Պեսկովի խոսքով՝ ստեղծագործող շատ անձիք հեշտությամբ են դառնում էմոցիոնալ ծանրաբեռնվածության զոհ՝ չունենալով իրավիճակի մասին իրական տեղեկություններ։
For generations, ppl have fought to protect democracy. Now it’s our turn. Watch Morgan Freeman explain Russia’s plot to undermine the U.S. pic.twitter.com/t65wckbmxS
— Investigate Russia (@InvestigateRU) 19 сентября 2017 г.