Բարսելոնայում 2000 մարդ հավաքվել է էկոնոմիկայի դեպարտամենտի շենքի առջև՝ փոխանցում է Periodico թերթը։
Նրանք բողոքում են ձերբակալությունների ու խուզարկությունների դեմ, որոնք իսպանական իշխանություններն իրականացրել են Կատալոնիայի կառավարական հաստատություններում։ Քաղաքում երթևեկությունը մասամբ կաթվածահար է եղել։
Իսպանիայի Քաղաքացիական գվարդիան հատուկ գործողության ընթացում՝ կապված Կատալոնիայում անկախության հանրաքվեի նախապատրաստման հետ, ձերբակալել է 16 պաշտոնյայի։ Նրանց կասկածում են իշխանություններին չենթարկվելու, ծառայողական դիրքի չարաշահման և պետական գույքի հափշտակման մեջ։
Կառավարության և այլ հաստատությունների շենքում խուզարկություններ են անցկացվել։ Գվարդիականները փնտրել են թղթաբանություն՝ կապված հանրաքվեի նախապատրաստման հետ։ Արդյունքում առգրավվել է մոտ 10 մլն քվեաթերթիկ՝ նախատեսված քվեարկության համար։
Խուզարկությունների և ձերբակալությունների ֆոնին Կատալոնիայի ղեկավար Կառլես Պուչդեմոնը գումարել է կառավարության գործադիր կոմիտեի արտահերթ նիստ։