Ինքնանպատակ չէ, որ մենք միշտ կողմ ենք եղել, հիմա էլ կողմ ենք ամբողջական իշխանափոխության, մենք այսօր մեր երկիրը, պետականությունն ենք կորցնում: Այդ մասին «Առաջին լրատվական»-ի հետ զրույցում ասաց «Ազատամարտիկների դաշինքի խորհրդի անդամ, «Ապարան» ջոկատի հրամանատար Ռազմիկ Պետրոսյանը՝ անդրադառնալով հարցին, որ չնայած նրան, որ «Ազատամարտիկների դաշինքը» միշտ խոսել է իշխանափոխության մասին, հիմա հայտարարում են՝ թող Սերժ Սարգսյանը 2018-ին լինի վարչապետ և պատասխանատվություն կրի, ինչով է պայմանավորված իրենց դիրքորոշումների փոփոխությունը:
«Իմ քաղաքական դիրքորոշումը, հայացքները ընդհանրապես չի փոխվել, այն առումով, որ մենք օր առաջ պետք է ազատվենք այս իշխանություններից, բայց ամբողջական: Եթե ՀՀԿ-ն մնալու է իշխանության, ստվերից որևէ մեկը պիտի կոորդինացնի, ասենք՝ եթե Սերժ Սարգսյանը պիտի կոորդինացնի՝ վարչապետ փոխելով, բան չի փոխվի, ավելի լավ կլինի, եթե իր կուսակցությունն է մնալու, կարող է վարչապետ դնի, ամեն օր փոխի, թող ինքը ստանձնի, ինքն էլ պատասխան տա: Ոչ թե Սերժ Սարգսյանի վարչապետության դեմ պիտի պայքարենք, այլ ՀՀԿ-ի մենաշնորհից ազատվելու դեմ, հակառակ դեպքում՝ ով կլինի վարչապետ, էական չի, եթե կառավարման համակարգը նույնն է մնալու: Ոչ թե անձի, այլ համակարգի դեմ պիտի պայքարել»,- շեշտեց նա:
Ըստ նրա՝ կամ ժողովուրդը պիտի հարմարվի, կամ էլ համխմբված պայքար պետք է մղել ամբողջական համակարգի դեմ, այլապես՝ ստվերում ղեկավարողը վարչապետին շախմատի նման կփոխի:
Մանրամասները՝ տեսանյութում:
