Թուրքիան Ռուսաստանից С-400 համալիրների ձեռքբերումից հետո բանակցություններ է սկսել Ֆրանսիայից և Իտալիայից համանման սպառազինությունների գնման վերաբերյալ։ Այս մասին AP գործակալության հետ հարցազրույցում ասել է ՆԱՏՕ-ի գլխավոր քարտուղար Յենս Սթոլթենբերգը, ով այցով գտնվում է Նյու Յորքում։
Սթոլթենբերգի խոսքով՝ ինքը երկուշաբթի երեկոյան հանդիպել է Թուրքիայի նախագահ Ռեջեփ Թայիփ Էրդողանի հետ, ով հայտնել է նրան Ֆրանսայի և Իտալիայի հետ բանակցությունների մեկնարկի մասին՝ իտալա-ֆրանսիական Eurosam կոնցեռնի արտադրության SAMP/T հակաօդային պաշտպանության համակարգերի գնման մասին։
Նա խոստովանել է, որ ՆԱՏՕ-ի յուրաքաչյուր անդամ իրավունք ունի ինքնուրույն որոշելու, թե սպառազինության ինչպիսի համակարգեր գնել։ Սթոլթենբերգը նշել է, որ իրենց համար կարևոր է ֆունկցիոնալ առումով համատեղելի լինելը։
Սթոլթենբերգը Թուրքիային անվանել է առանցքային պետություն՝ ՆԱՏՕ-ի անվտանգության տեսանկյունից՝ շնորհիվ Իրաքի ու Սիրիայի միջև ռազմավարական դիրքի։
