Renshin դևելոփերական ընկերությունը մոտ 20 միլիոն դոլարի ներդրում է կատարում «DAVTASHEN HOUSE 2» նոր բնակելի համալիրի կառուցման աշխատանքներին, որը տեղակայված է լինելու Դավթաշենի կամրջի և Սրբոց Նահատակաց եկեղեցու հարևանությամբ:
Սեպտեմբերի 12-ին տեղի ունեցավ կառուցվող շենքի հիմքում խորհրդանշական պարկուճի տեղադրման արարողությունը, որը և մեկնարկեց շինարարական աշխատանքները: Արարողությանը մասնակցում էին ընկերության բաժնետերեր Արայիկ Կարապետյանը և Էդուարդ Մարությանը:
Համալիրն աչքի է ընկնում իր ճարտարապետական հիանալի լուծումներով և ինքնատիպությամբ: Ինչպես նախկինում կառուցված համալիրներն, այն նույնպես առանձնանում է իր հետաքրքիր, դասական ճարտարապետությամբ ու անկրկնելի ոճով, հարմարավետ, լուսավոր և ժամանակակից բնակարաններով:
Ընկերությունը պատրաստվում է իր հաճախորդներին բնակարան գնելու համար առաջարկել նոր, հարմար վճարման պայմաններ մինչև 15 տարի վճարման ժամկետայնությամբ և «Եկամտային հարկի մասին» օրենքին համաձայն, վարկառուի հիփոթեքի սպասարկման տոկոսների հետ վերադարձ:
Renshin դևելոփերական ընկերությունը հիմնադրվել է 2003 թվականին Արայիկ Կարապետյանի և Էդուարդ Մարությանի կողմից։ Հիմնադրումից մինչ օրս ընկերությունը անմիջական մասնակցություն է ունեցել երկրի անշարժ գույքի քաղաքակիրթ ու միջազգային չափանիշներին ձգտող շուկայի ձևավորմանը, տնտեսության զարգացման ծրագրերին ու նրա ներդրումային գրավչության բարձրացմանը: Տարիների ընթացքում ընկերությունը ձեռք է բերել իր ուրույն տեղն անշարժ գույքի շուկայում: Նոր և բարդ ծրագրերի նախաձեռնում և հետևողական իրագործում, համաշխարհային տենդեցներին ու միջազգային չափանիշներին համապատասխան, ահա այն հիմնական սկզբունքները, որոնց շնորհիվ ″Ռենշին″ ՍՊԸ-ն իր գործունեության մոտ 12 տարիների ընթացքում հասավ բարձր հաջողությունների, ապահովելով անընդհատ զարգացում: Հենց այս սկզբունքների շնորհիվ էլ հասարակության շրջանում իրականացրած հարցումների արդյունքում ″Ռենշին″ ընկերությունը ճանաչվել է 2014թ.-ի լավագույն կառուցապատող ընկերություն: Իսկ 2017թ․-ի օգոստոսի 11-ին քաղաքաշինության ոլորտում ներդրած նշանակալի ավանդի համար Կարեն Կարապետյանը ՀՀ վարչապետի հուշամեդալով է պարգևատրել «Ռենշին» ընկերության հիմնադիրներ Արայիկ Կարապետյանին և Էդուարդ Մարությանին: