Իրաքյան Քրդստանի հանրաքվեի հետաձգման մասին որոշման ընդունումը պահանջում է տարածաշրջանի անկախության մասին բանակցություններ վարելու Բաղդադի պատրաստակամության միջազգային երաշխիքներ։ Ինչպես հայտնում է Shafaq News պորտալը՝ հղում անելով քուրդ առաջնորդ Մասուդ Բարզանիի գրասենյակի հայտարարությանը, այդ մասին նա հայտարարել է Էրբիլում՝ Մեծ Բրիտանիայի պաշտպանության նախարար Մայքլ Ֆելոնի հետ հանդիպման ժամանակ։
Կոմյունիկեում նաև նշվում է, որ Բարզանին բրիտանացի նախարարին պատմել է Քրդստանի վերապրած հալածանքների և Բաղադի հետ տարաձայնությունների մասին։ «Եթե մենք չենք կարող լավ գործընկերներ լինել Իրաքի ներսում, մենք պետք է բարի հարևաններ լինենք»,-ընդգծել է նա։
Ֆելոնն իր հերթին նշել է, որ իր երկիրը պնդում է հանրաքվեի հետաձգում և երկխոսության մեկնարկ Էրբիլի և Բաղդադի միջև բաց օրակարգով՝ միջազգային հովանավորությամբ։
