ԱՄՆ-ը բարձր գին կվճարի իրանական միջուկային ծրագրին առնչվող համաձայնագրից դուրս գալու դեպքում։ Այս մասին CNN-ի հետ հարցազրույցում հայտարարել է Իրանի նախագահ Հասան Ռուհանին։
«Համաձայնագրից դուրս գալը կուղեկցվի ԱՄՆ-ի համար մեծ ծախսերով, և ես չեմ կարծում, որ ամերիկացիները կցանկանան նման բարձր գին վճարել այն բանի համար, ինչը նրանց համար անօգուտ է»,-ասել է Ռուհանին։
Իրանը և միջազգային միջնորդների «վեցյակը» 2015 թվականի հուլիսի 14-ին հասել էին իրանական ատոմի բազմամյա խնդրի կարգավորման մասին պատմական համաձայնագրի։ Պլանը գործողության մեջ է մտել 2016 թվականի հունվարի 16-ին։
Թրամփն օրերս անվանել էր համաձայնագիրը երբևէ իր տեսած վատագույն գործարքներից մեկը և հայտնել, որ հոկտեմբերին կձեռնարկի գործողություններ՝ կապված իրանական գործարքի հետ։