«Ադրբեջանը գնում է զենք-զինամթերք այնտեղից, որտեղից ուզում է և երբ ուզում է»,- այս մասին «Առաջին լրատվականի» հետ զրույցում ասաց ՊՆ գլխավոր շտաբի նախկին պետ, 1993 թ. պաշտպանության նախարարի պաշտոնակատար, Արցախյան պատերազմի հերոս, գեներալ-լեյտենանտ Նորատ Տեր-Գրիգորյանցը` անդրադառնալով Ադրբեջանի կողմից չեխական արտադրության 152 մմ տրամաչափի արդիականացված DANA ինքնագնաց հրետանային համակարգերի ձեռքբերմանը, զորավարժությունների ժամանակ դրանց ցուցադրությանը:
«Ադրբեջանն ունի մեծ քանակությամբ նավթադոլարներ, դրանք գնում են պատերազմի սպասարկմանը՝ ագրեսիվ, ահաբեկչական գործողությունների նպատակով: Նրա գործողությունները նման են ԴԱԻՇ-ի գործողություններին»,- շեշտեց գեներալ-լեյտենանտը։ Նրա խոսքերով՝ Ադրբեջանը ձեռք է բերում իր կարիքներից 5-10 անգամ ավելի զինտեխնիկա, ռազմամթերք, և ոչ միայն Ղարբաղյան գործոնով պայմանավորված, այլ չի բացառվում նաև հետագայում Իրանի դեմ գործածելու նպատակով, այսպես ասած՝ Ադերբեջանի հարվային հատվածը ազատելու համար:
Նորատ Տեր-Գրիգորյանցի խոսքերով ՝ մտահոգիչ է նաև ՌԴ կողմից Ադրբեջանին մոտ 5 մլրդ դոլարի զենք վաճառելը: «Վերջերս Վ. Պուտինը ասաց, որ հակամարտող կողմերին զենք մատակարարել չի կարելի, բայց իրենք վաճառում են, ինչը շատ վատ երևույթ է»,- նշեց նա:
Մանրամասները՝տեսանյութում։
