«Աղախնի պատմությունը» սերիալն արժանացել է գլխավոր անվանակարգում «Էմմի» մրցանակի՝ հայտնում է Reuters գործակալությունը։ Գլխավոր կին դերակատար Էլիզաբեթ Մոսը մրցանակ է ստացել «Դրամատիկ սերիալի լավագույն դերասանուհի» անվանակարգում։
Լավագույն կատակերգական սերիալ է ճանաչվել «Փոխնախագահը», իսկ դրանում հանդես եկած Ջուլիս Լուիս –Դրեյֆուսը 6-րդ անգամ անընդմեջ ստացել է մրցանակ այդ ժանրում որպես լավագույն դերասանուհի։
«Դրամատիկ սերիալի լավագույն դերասան» անվանակարգում մրցանակը ստացել է Ստերլինգ Բրաունը՝ «Դա մենք ենք» սերիալում աշխատանքի համար, իսկ լավագույն կատակերգու դերասան է դարձել Դոնալդ Գլովերը, ով խաղացել է «Ատլանտա» սերիալում։
69-րդ «Էմմի» մրցանակաբաշխությունն անցկացվել է սեպտեմբերի 17-ին, Լոս Անջելեսում։