ԱՄՆ նախագահ Դոնալդ Թրամփը չի փոխել իր որոշումը կլիմայի հարցով Փարիզյան համաձայնագրից դուրս գալու վերաբերյալ, քանի որ այն համարում է «վատ գործարք»։ Այս մասին հայտարարել է ազգային անվտանգության հարցերով պետության ղեկավարի օգնական Հերբերտ Մաքմաստերը։
Նա նշել է, որ ԱՄՆ-ը պատրաստ է մասնակցել Փարիզյան համաձայնագրին միայն առանձնահատուկ պայմաններով, որոնք շահեկան կլինեն ամերիկացիների համար։
Հունիսին ԱՄՆ նախագահ Դոնալդ Թրամփը հայտարարել էր համաձայնագրից դուրս գալու որոշման մասին։ Նրա կարծիքով՝ այն «չափազանց անարդար» է ԱՄՆ-ի հանդեպ և կարող է վնաս հասցնել ամերիկյան տնտեսական շահերն և հարստացնել այնպիսի երկրների, ինչպիսիք են Հնդկաստանն ու Չինաստանը։
Կլիմայի հարցով Փարիզյան համաձայնագիրը ստորագրվել է 2015 թվականի դեկտեմբերին։