ՆԱՏՕ-ի նախկին գլխավոր քարտուղար և Ուկրաինայի նախագահի արտահաստիքային խորհրդական Անդերս Ֆոգ Ռասմուսսենը հնարավոր է համարում, որ Դոնբասում ՄԱԿ-ի խաղաղապահների տեղակայման դեպքում Ռուսաստանը կստանա մրցանակ՝ «մեղրաբլիթ»՝ պատժամիջոցների մի մասի մեղմացման տեսքով։ Այդ մասին նա ասել է Կիևում անցկացվող 14-րդ ամենամյա «Յալթայի եվրոպական ռազմավարություն» հանդիպման ժամանակ ելույթ ունենալիս։
Ռասմուսսենի կարծիքով՝ Ռուսաստանը ստիպված է եղել խաղաղարար առաքելության վերաբերյալ առաջարկ անել՝ Ուկրաինային մահաբեր զենքի հնարավոր տրամադրման պատճառով։
ՆԱՏՕ-ի նախկին գլխավոր քարտուղարը, սակայն, կարծում է, որ խաղաղապահների ներգրավման գործընթացը կլինի բավականին տևական։