Չինացի արտադրողները վաճառքի են հանել հատուկ դիմակներ, որոնք iPhone X-ի տերերին պաշտպանում են սմարթֆոնին չթույլատրված հասանելիությունից: Այս մասին հայտնում է The Verge-ը:
Այս արտադրանքի պահանջարկն առաջացավ, երբ Apple ընկերությունը ներկայացրեց iPhone շարքի նոր սմարթֆոն, որը կարողանում է տիրոջը ճանաչել ոչ թե մատնահետքով, այլ դեմքի սքանավորմամբ:
iPhone X-ի սիրհարաներին մտահոգել է նոր գործառույթը, շատերը սկսել են վախենալ, որ չարագործները կկարողանան սքանավորել իրենց դեմքը քնած ժամանակ: Սակայն մշակողները պնդում են, որ համակարգը գործի կընկնի միայն եթե iPhone X-ի տիրոջ աչքերը բաց են:
Սեպտեմբերի 12-ին Կալիֆոռնիայում տեղի է ունեցել նորագույն iPhone 8, iPhone 8 Plus և iPhone X սմարթֆոնների շնորհանդեսը:
iPhone X-ի էկրանը սահմաններ չունի, սարքի հետևի մասն ապակիով է ծածկված: Բացի դրանից՝ վերացել է Home կոճակը, որին փոխարինել է Face ID գործառույթը:
