Լուրեր
Վազելին-սապոնից օգտվեք, պարոնայք. Վովա Վարդանովը՝ ապրիլյան հաղթանակը Ռուսաստանին վերագրողներին
  • 22:23
  • 2017-09-12
  • Դիտումներ՝ *

Վազելին, սապոն գոյություն ունի, օգտվեք էլի, պարոնայք, պետք չէ հայտարարել, թե ապրիլյան գործողությունների ժամանակ հաղթել ենք ՌԴ-ի օգնությամբ: Այդ մասին «Առաջին լրատվական»-ի հետ զրույցում ասաց ազատամարտիկ Վովա Վարդանովը՝ անդրադառնալով ԱԺ  ՀՅԴ խմբակցության ղեկավար Արմեն Ռուստամյանի  ակնարկին, թե Ապրիլյան պատերազմում  հաղաթել ենք ՌԴ-ի օգնությամբ, իր ռեսուրսներով: Ընդ որում՝ Արմեն Ռուստամյանը նման բան էր հայտարարել՝ խոսելով ԵԱՏՄ-ից դուրս գալու վերաբերյալ  նախագծին դեմ քվեարկելու մասին:

«Եթե նման է բան է հայտարարել, ուրեմն լավ չի պատկերացնում, որ թուրքերը դուրս եկան հյուսիսում և հարավում իրենց ուզած կետերը և կանգնեցին, իրենց ոչ ռուսն է կանգնեցրել, ոչ էլ զենքը, իրենց կանգնեցրել են իրենց հրամանատարները, նշելով, որ Ասկերան, Աղդամ ուղղությունից ուժեղացնելու նպատակով զորքեր կհանենք, կտանենք հարավ և հյուսիս: Դա տեղի չունեցավ, որովհետև մեծ կամավորականների հոսք գնաց Արցախ՝ 5-7  հազար հոգի և դրա կարիքը չեղավ: Թուրքերին կանգնեցրել են  ոչ թե զենքը կրող մարդիկ, այլ կամավորականների պատրաստությունը՝ հանուն  հայկական  սահմանների անվտանգության: Պետք չէ մոռանալ, որ Ադրբեջանին զենք մատակարարողներից գլխավորը ՌԴ-ն է»,- շեշտեց  նա:

Վովա Վարդանովի դիտարկմամբ՝ ԵԱՏՄ-ից դուրս գալը անվտանգությանը վրա չի կարող ազդել, անգամ ՀԱՊԿ-ից դուրս գալը, եթե  դա պայմանավորում ենք  ՌԴ-ի գործոնով, ապա ՌԴ-ի հետ  առանձին  ռազմական համագործակցության համաձայնագիր կա:

Ամենկարևորը՝ ազատամարտիկը կարծում է, որ հասարակությունը  պիտի դադարի կարծել, թե ՌԴ-ն է անվտանգության երաշխավորը, անվտանգության երաշխավորը միայն մեր բանակն է:

 

Մանրամասները՝ տեսանյութում։

  • Դիտումներ՝ *