Times պարբերականն իր կողմից անցկացրած հետաքննության արդյունքում հետաքրքիր տեղեկություններ է հայտնում Սիրիայից Թուրքիա փախած անչափահաս աղջիկների առևտրի մասին։
Հաղորդվում է, որ չնայած Թուրքիայում օրենսդրությունը բազմակնություն չի թույլատրում, այդուհանդերձ որոշ տղամարդիկ միջինը 1200 դոլարով գնում են նրանց որպես երկրորդ կին, որոնց մի մասին հետագայում վերավաճառում են։ Աղջիկների մոտ կեսը ընտանիքներում ենթարկվում են բռնության։
Նշվում է, որ վաճառքի գինը կախված է աղջկա գեղեցկությունից։ Երբեմն, այդ գործոնը հաշվի առնելով, նրանց գինը կարող է հասցվել ընդհուպ մինչև 4000 դոլարի։