Ղազախստանի նախագահ Նուրսուլթան Նազարբաևի թոռը՝ 1990 թվականին ծնված Այսուլթանն իր ֆեյսբուքյան էջում պատմել է անկեղծ պատմություն այն մասին, թե ինչպես է ինքը կախվածություն ձեռք բերել թմրանյութերից, և թե ինչպես են իրեն դրանցից փրկել իր պապն ու Բարձրյալը։ Այս մասին հայտնում է currenttime.tv-ն։
Գլխավոր քայլը, որ նա արել է՝ պապին այդ մասին խոստովանել էր։ «Ապրես, որ ազնիվ ես, հիվանդությունը բարդ է, բայց դու ոչ առաջինն ես, ոչ էլ վերջինը։ Ուժերդ կբավականացնի հաղթահարելու այն»,-ասել է Նազարբաևը։ Իր հերթին թոռը խոստացվել է հաղթահարել այն։ «Դե ինչ, եթե Ասուլթանն ինձ խոստում է տալիս, նա միշտ կատարում է դրանք»,-ասել է պապը։
Թմրանյութերից Այսուլթանը կախվածություն էր ձեռք բերել ճակատագրի կրկնակի հարվածից հետո՝ պապի՝ ակադեմիկոս Մուհտար Ալիևի մահից, և ավստրիական բանտում հոր՝ Ռահատ Ալիևի ինքնասպանությունից հետո։
«Ինձ համար այդ մարտն ամենածանրն էր, կռիվ ինքս իմ հետ. հանձնվել, թուլանալ և հանգիստ մեռնել կամ հավաքել կամքը բռի մեջ, պայքարել ապրելու և ուրախանալու իրավունքի համար։ Իսկական ներքին ջիհադ։ Բարեբախտաբար, լույսը միշտ հեռացնում է մթությունը»,-ավարտել է իր ուղերձը Նազարբաևի թոռը, ով հանդիսանում է նախագահի ավագ դստեր՝ Դարիգայի որդին։