«Առաջին լրատվական»-ի զրուցակիցն է Խոսքի ազատության պաշտպանության կոմիտեի նախագահ Աշոտ Մելիքյանը։
-Պարոն Մելիքյան, քաղաքական ուժերը «թեժ աշուն» են խոստանում և առաջիկա ժամանակներս քաղաքական տարբեր իրադարձություններ են մեզ սպասվում: Այս համատեքստում ինչպե՞ս կգնահատեք հայաստանյան մամուլի դերն ու ազդեցությունը սպասվող գործընթացներում և այդ ամենի լուսաբանման առումով ի՞նչ ակնկալիքներ ունեք:
-Լինի թեժ աշուն, թե ցրտաշունչ ձմեռ՝ ԶԼՄ-ները մի կարևոր առաքելություն ունեն՝ օբյեկտիվ տեղեկատվություն տրամադրեն իրենց լսարանին, թե ինչ է կատարվում երկրի ներսում և երկրից դուրս։ Ցավոք սրտի, այդ առաքելությունը կատարելի, մենք տեսնում ենք, որ լրատվամաիջոցներն ավելի շատ այն անձանց, խմբերին և ուժերին, որոնց կողմից որ ստեղծված են կամ հովանավորվում են և սոցիալական այդ առաքելությունը երկրորդ պլան է մղվում։ Մեր լրատվական դաշտում սա ամենակարևոր և մտահոգիչ խնդիրն է։ Քանի որ լրատվամաիջոցները մեծ հաշվով բաժանված են տարբեր քաղաքական և տնտեսական ճամբարների, ապա նրանք ավելի շատ այդ շահերն են սպասրակում և լրատվամիջոցների ճնշող մեծամասնությունը հենց դրանով է զբաղված, մինչդեռ, իհարկե, գլխավորը պետք է լիներ հասարակական շահը և մանավանդ, երբ քաղաքական մթնոլորտը շիկանում է, ապա անհրաժեշտ է լինում առավել մատչելի բացատրել լսարանին կամ իրենց ընթերցողներին, թե ինչ է իրականում իրենից ներկայացնում այս կամ այն քաղաքական ուժը, ինչ լուծումներ են նրանք առաջարկում, ինչին է դեմ մյուս քաղաքական ուժը և այլն, բայց սրա փոխարեն մենք տեսնում ենք հաճախ նույնիսկ մանիպուլյատիվ աշխատանք։
Ամեն անգամ, երբ քաղաքական իրավիճակը թեժանում է, համենայնդեպս, մտածող ընթերցողին անհրաժեշտ է լինում երեք, չորս կամ հինգ լրատվամիջոցների նյութեր կարդալ, դիտել և համադրել, որպեսզի հասկանան, թե ինչ է իրականում տեղի ունենում, բայց լսարանի այն մասը, որը մտածող չի (իսկ մեծամասնությունը հենց այդպիսին է), համեմատող և վերլուծող չի, բնականաբար, բախվում է տարբեր մանիպուլյացիաների և շատ ժամանակ ենթարկվում է դրանց։ Այս առումով լրատվամիջոցը կարող է նույնիսկ բացասական դեր խաղալ, առավել ևս, եթե հիմնականում հենց այդպիսի մանիպուլյացիաներով է այն զբաղվում, այսինքն փոխանակ օգնի լսարանին հասկանալու իրավիճակը, հակառակը՝ ավելի է նրան խճճում։
Մանրամասները՝ տեսանյութում։
