«Այբ» դպրոցում այս տարի սովորում է 392 աշակերտ, իսկ կիրառվող ծրագիրը կոչվում է Արարատյան բակալավրիատ: «Առաջին լրատվական»-ի հետ զրույցում այս մասին տեղեկացրեց «Այբ» դպրոցի տնօրեն Արամ Փախչանյանը: «Դա նորարարական ծրագիր է, որը մշակված է Հայաստանում «Այբ» հիմնադրամի կողմից՝ պետության հետ համատեղ»,- ասաց նա՝ հույս հայտնելով, որ մյուս տարի մարզերի շատ դպրոցներ կմիանան այդ ծրագրին:
Ինչպես տեղեկացրեց դպրոցի տնօրենը՝ 1-4-րդ դասարաններում սովորում է մինչև 16 աշակերտ, այս տարի «Այբ» է ընդունվել 32 1-ին դասարանցի:
Արամ Փախչանյանը չնշեց այն պաշտոնյաների անունները, որոնց երեխաները սովորում են այս դպրոցում: Նրա խոսքով՝ նրանք էլ չեն թաքցնում, որ իրենց երեխաներն այստեղ են սովորում. «Մեր տարրական և միջին դասարաններում, որտեղ վճարում են ծնողները (բարձր դասարաններում բարերարներն են վճարում ուսման վարձը), հիմնականում միջին խավն է: «Այբ» դպրոցը ամբողջովին սոցիալական է, այսինքն՝ ամեն ընտանիք վճարում է այնքան, որքան ի վիճակի է վճարել: Մենք ունենք ընտանիքներ, որոնք տարեկան վճարում են 10 հազար դրամ ուսման վարձ, կան ընտանիքներ, որ ընդհանրապես ոչինչ չեն վճարում»:
Առավել մանրամասն՝ տեսանյութում: