Իրանը պահպանում է սահմանափակումները, որոնք նախատեսված են համաշխարհային տերությունների հետ ատոմային ծրագրի շուրջ կնքված համաձայնագրով։ Այս մասին ասվում է Ատոմային էներգիայի միջազգային գործակալության զեկույցում՝ փոխանցում է Reuters-ը։
Օգոստոսի 21-ի դրությամբ՝ ցածր հարստացված ուրանի իրանական պաշարները կազմում են 88.4 կգ, ինչը զգալիորեն քիչ է միջուկային գործարքով նախատեսված 202.8 կգ սահմանաչափից։ Այդ ուրանի հարստացման աստիճանը չի գերազանցում համաձայնագրով սահմանված 3,67%-ը։
Իրանի ծանր ջրի պաշարները կազմում են 111 տոննա, ինչը ցածր է սահմանված չափից՝ 130 տոննայից։