Ադրբեջանի ԱԳՆ-ը «սև ցուցակում» կներառի պորտուգալացի խորհրդարանական, Սոցիալ-դեմոկրատական կուսացության անդամ Ռուբինա Բեռարդոյի անունը։
Բաքուն հետ է կանչել Պորտուգալիայում իր ժամանակավոր հավատարմատարին՝ կապված 2017 թվականի օգոստոսին պատգամավորի՝ Արցախ կատարած այցի հետ։ Արցախում պատգամավորը մի քանի հանդիպում էր ունեցել տեղի պաշտոնատար անձանց հետ, այդ թվում արտգործնախարար Կարեն Միրզոյանի։
Պորտուգալական միջազգային RTP հեռուստաալիքի հետ հարցազրույցում Բեռարդոն պատմել է, որ իմացել է իր այցի հետևանքների մասին։ Նրա խոսքով՝ այցն անձնական բնույթ է կրել։
Պորտուգալացի պատգամավորի հետ հանդիպմանն օգոստոսի 12-ին Արցախի արտգործնախարարը ներկայացրել էր հանրապետության արտաքին քաղաքականության առաջնահերթությունները, անդրադարձել քայլերին՝ ուղղված ԼՂ միջազգային ճանաչման և ԼՂ հակամարտության խաղաղ կարգավորման գործընթացներում առաջընթացի ձեռքբերմանը։
Միրզոյանն ու Բեռարդոն քննարկել էին նաև կողմերի միջև գործնական կապերի հաստատման հնարավորությունը։