Այն բանից հետո, երբ ադրբեջանական «Ղարաբաղ» ակումբը դուրս եկավ Չեմպիոնների լիգայի խմբային փուլ, հայտնի ֆուտբոլային մեկնաբան Վասիլի Ուտկինը աղմկահարույց գրառում է կատարել թվիթերյան իր էջում: Մեկնաբանը մասնավորապես ասել է, որ ադրբեջանական «Ղարաբաղ» ֆուտբոլային ակումբը կրում է այլ երկրին պատկանող տարածաշրջանի անվանում։
«Ուտկինը շարունակում է ծաղրել Ադրբեջանի համար այդքան ցավալի թեման, փախստականներին, որոնց ընտանիքները տարիներ առաջ վտարվել և սպանվել են հայկական զինված ուժերի կողմից Ղարաբաղի օկուպացիայի ժամանակ», գրում են ադրբեջանական լրատվամիջոցները:
Հաջորդ գրառման մեջ Ուտկինն ասել է « Ընկերնե ՛ր, ես ամաչում եմ «Ղարաբաղի» և «Արարատի» մասին գրառումների համար: Ես աններելի սխալ եմ գործել՝ տարածաշրջանն անվանելով «էթնոնիմ» «տեղանվան» փոխարեն։
Ժամեր անց Ուտկինը կրկին գրառում է արել. «Որպեսզի այլևս չսխալվենք կարևոր հարցերում, եկե՛ք մեկընդմիշտ լուծենք այս հարցը և քվեարկենք դոլման հայկական ուտեստ է թե՞ ադրբեջանական։