Կատարի իշխանությունները որոշում են ընդունել վերադարձնելու իրենց դեսպանին Իրան, որը հետ էր կանչվել 1.5 տարի առաջ։ Այս մասին հայտարարել է Կատարի ԱԳՆ-ը՝ փոխանցում է TASS գործակալությունը։
«Կատար պետությունը հայտարարում է, որ Թեհրանում էմիրության դեսպանը շուտով կվերադառնա իր դիվանագիտական պարտականությունների կատարմանը»,-ասվում է հայտարարությունում, որում նաև ընդգծվում է, որ էմիրությունը ձգտում է ամրապնդել Իրանի իսլամական հանրապետության հետ երկկողմ հարաբերությունները բոլոր ոլորտներում։
Չորեքշաբթի Կատարի արտգործնախարար Մուհամմադ բեն Աբդել Ռահման Ալ Թանին հեռախոսազրույց էր ունեցել իրանցի գործընկեր Մուհամմադ Ջավադ Զարիֆի հետ։ «Զրույցի ժամանակ քննարկվել են երկկողմ հարաբերությունները, դրանց ակտիվացման ու զարգացման միջոցները, ինչպես նաև ընդհանուր հետաքրքրություն ներկայացնող մի շարք հարցեր»,-ասվում է նախարարության կոմյունիկեում։
Կատարը հայտարարել էր դեսպանին Թեհրանից հետ կանչելու մասին 2016 թվականի հունվարի 6-ին՝ ի նշան բողոքի ընդդեմ Իրանում սաուդյան դիվանագիտական առաքելությունների վրա հարձակումների։