«Հրապարակ» թերթը գրում է. ««Ազատ դեմոկրատներ» կուսակցությունն աշնան սկզբին պատրաստվում է համագումար հրավիրել: Օրը դեռևս հստակեցված չէ, սակայն ընթանում են նախապատրաստական աշխատանքներ:
Կուսակցության փոխնախագահ Անժելա Խաչատրյանն ասաց, որ համագումարի ընթացքում կհնչեն այն օրակարգային հարցերը, որոնք իրենց կուսակցության ծրագրում են՝ թե ներքին, թե արտաքին քաղաքականության հետ կապված. «Այսինքն՝ այն դիրքորոշումները, որոնք մենք ունենք և ունեցել ենք, հնչեցրել ենք նախընտրական, հետընտրական շրջանում, ևս մեկ անգամ կհստակեցվեն և կբարձրաձայնվեն»:
Ըստ նրա՝ կուսակցությունն այս ընթացքում տարածքային կառույցներում որոշակի ուսումնասիրություններ է արել, փոփոխություններ կատարել: Թեև առաջին հերթին պետք է քննարկեին պարտության պատճառները: «ԱԴ»-ում, փոխնախագահի խոսքով, ներկա պահին հաշվառված է շուրջ 6 հազար անդամ, ունեն նաև համակիրներ»:
Առավել մանրամասն՝ թերթի այսօրվա համարում:
Լուսանկարը` PAN Photo-ի