«Ես քրիստոնյա եմ և իսկապես մտահոգ եմ Սերժ Սարգսյանի համար։ Նրան ուղղակի ասում եմ՝ խաղաղությամբ հեռացիր։ Հետևելով Ելցինի օրինակին՝ պետք է գնա։ Ի սրտե ցանկանում եմ, որ նա խաղաղ ու անարյուն ավարտի իր իշխանությունը»,- «Առաջին լրատվական»-ի հետ զրույցում ասաց Հայաստանի քաղաքագետների միության նախագահ Հմայակ Հովհաննիսյանը։
Քաղաքագետն ընդգծում է, եթե Սերժ Սարգսյանը համառի և ապրիլին չթողնի իշխանությունը՝ լուրջ ցնցումներ են հնարավոր. «Սա մարտահրավեր է հասարակությանը։ Եթե հայ ժողովուրդը հաշտվելու է այն մտքի հետ, որ ինքը պետք է գոյություն չունենա՝ ուրեմն Սերժ Սարգսյանը կմնա։ Եթե հայ ժողովորդը հարմարվելու է, որ անտառներ վառվեն, Սևանը չորանա, ընդերքը թալանվի՝ ուրեմն կմնա։ Եթե հայ ժողովուրդն իրեն ափ շպրտող ինքնասպանություն գործող կետերի նման է վարվելու՝ ուրեմն կմնա։ Սերժ Սարգսյանի մնալու գինը Մոսկվան գիտի, պայմանավորվել են դեռ սեպտեմբերի 3-ին»,- ասաց մեր զրուցակիցը։
Հարցազրույցն ամբողջությամբ՝ տեսանյութում