Այսօր Էրեբունի և Նուբարաշեն վարչական շրջանների ընդհանուր իրավասության դատարանում դատավոր Արտուշ Գաբրիելյանի նախագահությամբ շարունակվեց Երրորդմասցի Լյովիկի, և նրա երկու ընկերների սպանության գործով նիստը:Ամբաստանյալների պաշտպան Լուսինե Սահակյանը միջնորդեց որպես վկա դատարան հրավիրել և հարցաքննել դեպքի վայրի զննությանն ու «ՎԱԶ 2107» ավտոմեքենայի խուզարկությանը որպես ընթերակա մասնակցած չորս անձանց:
Նշենք, որ խոսքը այն մեքենայի մաիսն է, որով ամբաստանյալներ Վահան Հակոբյանը (Գաստիկ), Սարգիս Հախանումյանը (Տլե) և Սարգիս Գրիգորյանը (Ծըգլ) 2015 թվականի մարտի 4-ին դարանակալել են «Նուբարաշեն» ՔԿՀ-ի շենքի մոտ:
Մեղադրող դատախազների և տուժողի իրավահաջորդի ներկայացուցիչ Երեմ Սարգսյանը առարկեցին Լուսինե Սահակյանի ներկայացրած միջնորդւոթյան դեմ, սակայն դատավորը բավարարեց Լուսինե Սահակյանի միջնորդությունը: Հաջորդ դատական նիստին, որը կկայանա օգոստոսի 29-ին, որպես վկա կհարցաքննվեն ընթերականեր՝ Յուրի Գալստյանը, Սարգիս Բեգոյանը, Վալոդ Խաչատրյանը և Կարեն Սարգսյանը:
Լուսանկարը՝ ArmLur.am-ի
