Պետերբուրգի ավտոսրահում վաճառվել է Ռուսաստանի առաջին նախագահ Բորիս Ելցինի զրահապատ Mercedes-Benz S-Class (W140) լիմուզինը։ Այս մասին հայտնում է TASS գործակալությունը։
19.7 մլն ռուբլով մեքենան ձեռք է բերել անանուն կոլեկցիոները։
Լիմուզինի վաճառքի մասին հայտարարությունը «Ավտո.ռու» կայքում էր հայտնվել հուլիսի 15-ին։ Մեքենան գտնվում է հիանալի վիճակում, վերանորոգման կարիք չունի, գույնը կապույտ է, վազքը՝ 60 հազար կմ, մեքենան հանդերձված է 320 ձիաուժ հզորությամբ 5լ շարժիչով ու ավտոմատ փոխանցումային տուփով։
