ՇԵԼԲԻ ընկերության գործադիր տնօրեն Մարինա Ավետիսյանը, անդրադառնալով հարցին, թե որքանո՞վ ազդեց Իսպանիայում տեղի ունեցած ահաբեկչությունը զբոսաշրջության վրա, և եղա՞վ արդյոք տոմսերի վերադարձ, «Առաջին լրատվական»-ի հետ զրույցում նշեց, որ տոմսերի վերադարձ իրենք չեն ունեցել. «Ավելին ասեմ՝ ընդհանրապես Եվրոպայի նկատմամբ հետաքրքրությունը չի կորում երբե՛ք, նույնիսկ Փարիզում տեղի ունեցած ահաբեկչության ժամանակ մեզ մոտ շարունակում էին պատվիրել տուրփաթեթներ դեպի եվրոպական ուղղություններ»:
Նրա խոսքով՝ առհասարակ ահաբեկչություններին առնչվող անհանգստության ալիքը ինչպես արագ տարածվում է, այնքան էլ արագ մարում. «Օրինակ՝ Եգիպտոսում անցած տարի տեղի ունեցած ահաբեկչությունները այս տարի ընդհանրապես չազդեցին մեր տուրիստական պատվերի քանակի վրա, նույնիսկ ավելի շատ էին»:
Ինչպես նկատեց մեր զրուցակիցը՝ քանի որ մենք լեռնային երկիր ենք, և հայերը ավելի շատ դեպի ծով են ձգտում, ուստի այս տարի առաջնահերթ ուղղություններն են եղել Վրաստանը, Եգիպտոսը, Հունաստանը, Էմիրությունները և Իսպանիան:
Առավել մանրամասն՝ տեսանյութում:
