Այսօր` օգոստոսի 19-ին ժամը 19:10-ի սահմաններում «Գործարանային » մետրոյի դիմաց տեղի է ունեցել ավտովթար, ինչի հետևանքով մեքենաներից մեկը գլխիվայր շրջվել է։
Ինչպես տեղեկացնում է Shamshyan.com-ը բախվել են 40-ամյա Վահագն Թովմասյանի վարած Toyota Yaris մակնիշի 50 VT 333 համարանիշի և 43-ամյա Գարիկ Գրիգորյանի վարած Opel Astra մակնիշի 72 GN 772 համարանիշի ավտոմեքենաները: Ըստ նախնական տեղեկությունների՝ վթարի հետևանքով զոհեր և վիրավորներ չկան:
Դեպքի վայր ժամանած 1-03 շտապօգնության բժիշկներին վարորդները հայտնել են, որ հրաժարվում են բժշկական օգնությունից, քանի որ վնասվածքներ չեն ստացել։